A New Year Sad Love Story I New Love Story

A New Year Sad Love Story 

Usne dekha ki ramesh apne doston ko bye kah kar ja raha hai. Uske man mein aaya ki aaj kah hi deni hai apne man ki bat varna vaqt nikal jayega. Uski chahat ek sal se bhi jyada purani thi lekin vo apne man ki mab nahin kah pa rahi thi kyun ki vo bahut shy thi aur himmat nahin juta pati thi ki Ramesh se apni muhabbat ka ijhar kare.

Us ka nam babita tha. Jab vah pahli bar is shahar mein aayi to use dost banana mein bahut jhijhak hoti thi. Lekin ramesh ne uski bahut madad ki. Vah bahut hi ache nature ka ladka tha. Hamesha muskurata rahta aur khush rahta. Us ke najdeek aate hi babita ke dil mein kuch kuch hone lagta tha.

Jab Ramesh keen ajar us par padi to vo muskura diya. Jab usne pahli bar babita ko dekha tabhi use laga tha ki ye kuch alag hi ladki hai. Vo aur ladkiyon ki tarah nahi thi jo school mein bas flirt hi karti rahti thi. Usne babita ko kabhi loose talk karte nahin suna. Hamesha auron ki madad karne ko taiyar rahti thi.

Ramesh babita ki aur badha aur use pucha ki kya bat hai? Kya hua. Babita ki to aankhen jameen par gadi hui thi. Vo use najar nahin mila pa rahi thi. Fir usne dheere se apna chehra uthaya aur bahut dheeme se sharmate hue apne dil ki bat Ramesh se kah di. Ramesh use bahut der tak dekhata hi rah gaya. Usne socha bhi nahi tha ki babita use pyar karti hai!
Bahut der tak Ramesh ke munh se koi lafz nahi nikal paye. Aakhir mein bhavnaon ke vash usne babita ko apne aalingan mein bandh liya. Uska sir apne kandhe par rakh kar usne apna sir uske sar par rakh diya. Bahut der tak donon aise hi khade rahe. Bina kuchh bole, bina kuch sune.

Babita ko to jaise jannat mil gayee ho. Usne ummeed nahi kit hi ki Ramesh use aise sweekar kar lega.usne apni bahon mein Ramesh ko kas kar jakad liya.

Bas fir to unke pyar kop ankh lag gaye. Sare school mein logon ko pata chal gaya ki vo donon ek dusre se pyar karte hain. Yahan tak ki babita keg hr valon ko bhi ye bat pata chal gayee. Unhen bhi Ramesh bahut pasand tha. Ramesh tha hi bada nice boy.

New year aate aate donon ek dusre ke pyar mein doob chuke the. Donon ne new year ko special tarike se celebrate karne ka plan kiya. Usne babita ke liye ek ring khareedi aur socha ki vo ise babita ko lake ke kinare pahnayega vahin jahan babita ne use pahli bar apne dil ki bat kahi thi.Us din ki yad aate hi Ramesh muskura diya.
Babita ne uske liye ek poetry ki diary kharidi jo love se bhari hui thi. Uske dil ki sari bhavnayen un poetry mein likh di thi. Diary ek heart ki shape mein thi aur pink colour kit hi. Uska bas chalta to vah ud kar lake par pahunch jati aur us diary ko Ramesh ko de diti.

Jab new year eve aayi to Ramesh excited bhi tha aur nervous bhi. Ye pahli bar tha jab vo kisi ladki ko ring pahnane vala tha. Jab vah ghar se chalne vala tha tabhi uski-step mother ne use ghar ka kam bata diya. Vah bahut irritate hua. Uske pas babita ka cell no. bhi nahi tha. Aur use pata tha ki babita already lake ki aur ja chuki hogi isliye ghar pe call karne ka koi fayda nahin hoga.

Jab usne kaha ki use jana hai to uskee step mother ne kaha ki ghar ka kam khatm karke hi ja paoge.
Babita lake ke kinare aayi to dekha ki Ramesh nahi aaya tha. Usne socha aata hi hoga. Usne apne cell phone pen ajar dali jo uske parents ne use aaj hi gift mein diya tha. Vo intjar nahi kar pa rahi thi Ramesh ko gift dene ka aur use apna cell no. batane ke liye. Lekin uske pas bhi Ramesh ka cell no. nahi tha.
Uske pas intjar ke siva koi chara nahi tha.

Jaise taise karke usne apna ghar ka kam khatm kiya aur lake ki aur chalne ko hua tabhi uski cousin aa gayi. Ab usne socha ki aise to der ho jayegi to usne apni cousin ko batay ki chalo main aaj tumhen apni GF se milwata hun. Uski cousin pahle to muskurayi aur use puchane lagi ki kaun hai. Ramesh ne kaha ki chalo na, mil ke dekh lena. Donon hanste hanste lake ki aur chal diye.

Babita ko bahut der ho chuki thi intjar karte karte. Use thand bhi lag rahi thi. 10 baj gaye the. Vo itni der ke hisab se nahin aayi thi. Jab use raha nahi gaya to vah Ramesh ke ghar ki aur chal di.

Achanak use kisi kee awaj sunai di. Vo pedon mein chip gayi. Fir use Ramesh ki awaj sunayi di aur fir ek ladki. Donon sath sath hans rahe the. Use dhakka laga – acha, to ye karan hai ki use der ho gayi. Vo kisi aur ladki ke sath tha! Uske aansoo nikal aaye. Hichkiyan nikal padi. Badi mushkil se usne apni aawaj dabayi.
Vo donon bahut close lag rahe the jis tarah se unke unke hansne ki aawaj aa rahi thi. Babita ke dil pe jaise pahad toot pada ho. Badi mushkil se usne apnu diary apni chati se laga ke chup baithi rahi.
Jab Ramesh aur uski cousin lake par pahunche to use babita kahin najar nahi aayee. Usne awaj di – babita? Fir usne socha ki shayad bahut der ho gayi to vah chali gayi. Usne jeb mein hath dal kar ring box ko tatola. Fir vo donon babita ke ghar ki aur chal pade.

Jab babita ko vapas jate hue kadmon ki awaj sunayi di to vo fir se chup gayi. Dheere dheere donon vapas door chale gaye. Dheere dheer uske kadam lake ki aur chal pade. Lake pahunch kar uske dil bandh foot pada aur vo jor jor se rone lagi. Use yad aaya ki kaise Ramesh ne use ani bahon mein bandh liya tha. Aur bhi vo sare din yad aayi, sari batein yad aayi… aur fir yad aayi us ladki ke sath uske khilkhilane ki awaaj jo uske kanon mein hathode ki tarah baj rahi thi.

Usne man hi man ek faisla liya. Usne apna cell nikala aur Ramesh ke liye ek text message likh kar draft mein save kar diya. Uske pas Ramesh ka number to tha nahi. Fir usne mobile lake ke kinare ek bench par rakha aur uske pas hi apni poetry ki diary jo Ramesh ke liye gift thi, vo rakh di.
Fir vo bade shant kadamon se lake ke pani ki aur badh chali jaise vo use bula raha ho.
Jab Ramesh babita ke ghar gaya to pata chal ki vah ghar nahi pahunchi thi. Ab uske dil mein ghabrahat hone lagi. Usne apni cousin ko apne ghar chhoda aur jaldi jaldi lake ki aur badh chala.

Jab vo lake par apni favourite jagah aaya jahan donon mila karte the to use vo present dikhayi di jo pahle vahan nahin thi. Muskurate hue usne use khola to under ek pink diary dikhayi di. Khola to babita ki handwriting mein likhi poetry najar aayi. Usne diary ko hothon se choom liya. Usne idhar udhar najar dali ki shayad abi vo pedon ke piche se nikal kar use surprise degi.
Lekin babita ka kahin ata pata nahin tha. Lake ekdam sunsan padi thi. Uske dil mein fir se ghabrahat ho uthi. Kahan gayi babita aakhir?
Fir uski najar babita ke mobile phone par padi – usne dekha to ek text message draft mein save tha. Usne message padha aur …
‘’mujhe afsos hai ki main is layak nahi thi kit um mujhse pyar karte. Tumhen tumhara naya pyar Mubarak ho. Lekin hamesha yad rakhana ki mera pyar sachcha tha. I love you’’.

Uske hathon se mobile niche gir gaya. Pair javab de gaye. Aankhon kea age andhera chh gaya. He bhagwan, ye babita ne kya ka kya samajh liya? Usne fir mobile uthaya aur mesaage ko dubara padha shayad use padhane mein kuch mistake hui ho.

Fir uski najar lake ki aur gayi. Ghane andhere mein lake ka thanda pani bada hi bhayavna lagne laga. Uska matha thanka – kahin ???
Apne ap ko dilasa dete hue vo pani ki aur badha. Ek gahri sans le kar usne lake mein chalan laga di. Jaise hi vo vapas aane ko hua to uski najar babita par padi. Vo lake ke talhati mein leti hui thi. Usne babita ka hath pakda aur use upar kheench laya.
Dheere dheere vah babita ko usi bench ke pas laya. Usko baitha kar usne jeb se ring nikali aur rote rote babita ke hathon mein pahna di.
Usne babita ki diary nikali aur padhane laga. Jaise jaise vo padhta gaya uske aansoo bathe gaye.
Dheere dheere Ramesh ne babita ki uske liye pyar mein doob kar likhi sari poetry padh li.
Fir vo babita ko apne hathon mein le kar vahin bench par baitha raha.
Agle din subah akhbar mein khabar aayi ki ek premi jode ne lake mein doob kar jan dene ki koshish ki. Donon bahar aa to gaye lekin thand se unki maut ho gayi.

 

Read More Shayari :-

Love Status in Hindi and English Whatsapp and Facebook

Leave a Reply

Your email address will not be published. Required fields are marked *