Valentine Day Hindi Love Story

Valentine Day Hindi Love Story

Friends, valentine day aa raha hai. Aap sab apne pyar aur doston ko valentine day pe rose gift karne ka plan bana rahe honge. lekin main ek aisi valentine day Love story janta hun jo jara ordinary sories se hat ke hai:

Valentine Day Love Story of my friend

4 sal pahle ki bat hai. Mera dost ek ladki ko bahut dil se chahta tha. Vo ladki usi ki class mein padhti thi aur donon mein achchi dosti bhi thi. Lekin vo kabhi bhi apne dil ki bat us ladki se nahin kah paya tha. Vo ladki mere pados mein rahti thi aur main use bachpan se janta tha, in fact us ladki ki apne dost se pahli mulakat mere sath hi hui thi.

Us sal valentine day aaya to mere dost ne faisla kiya ki is bar vo apne dil ki bat us ladki ko kah dega. Maine use bahut samjhaya ki main us ladki ko janta hun. Vo bahut achchi ladki hai aur tumhen ek achcha dost manti hai. Lekin vo bahut suljhi hui ladki hai. Pahle tum apna career banao, jindagi mein kuchh bano fir use love ki bat sochna ya lahna. Vo kahin bhagi to ja nahin rahi hai. Lekin us ne meri bat nahi mani. Kahne laga ki agar usne is bar us ladki se i love You nahi kaha to us se aur bardasht nahi hoga. Maine kaha, ja mar, teri marjee, mujhe kya?

Aur 14th feb’2009 ko uska phone aaya ki bahut jaldi se aa ja, main bahut musibat mein hun. Main fatafat apni bike le ke jahan usne bataya tha vahin pahuncha (vo hamare muhalle ke ekdam bahar vale park mein tha) to main eek ajeeb sa scene dekha. Vo jameen pe hath jod ke baitha hua tha aur us hamari classmate ke parents aur v ladki sab uske charo aur khade the.

Jab main pas pahuncha to us ladki ki awaaj sunai di – tum mere dost ho is liye main tumhare bulane pe yahan aai. Valentine day hai to sirf dost samajh ke bhi main yahan aai. Tumhare dimag mein ye jo love ka bhoot hai use bahar nikalte ho ya main abhi bulaun police ko?

Mera dost sorry sorry kar raha tha. Use dekh kar meri hansee nikal rahi thi par maine kisi tarah apni hansee roki aur us ladki se kaha kit um log jao ise main samjha lunga. Kyunki meri image bahut achchhi thi to uske parents ne kaha, achchha, lekin ye aaj ke bad hamari beti ko pareshan na kare.

Main us dost ko apne ghar le kar aaya aur usko ek cup chai pila kar main kaha ki vo Rose nikalo jot um us ladki ko dene le gaye the. Usne vo gulab ka phool mujhe diya jo us ladki ne jameen pe genk ke apne pairon se kuchal diya tha.

Maine kaha ki lo is phool ko apne kamre mein aisi jagah rakhana jahan ye tumhe roz dikhai de. Us ladki ki bat ka bura mat mano. Agar hai himmat to kasam khao ki jindagi mein vo mukam hasil kaoge ki agli bar jab tum use propose karo to vo tumhe pyar aur pride ke sath apna pyar saump de. Pahle to mere dost ki samajh mein kuchh aaya nahi lekin fir usne ek firm determination ke sath kaha – mere dost, main is gulab ki nahin balki teri dosti aur use pyar ki kasam kha ke kahta hun ki main jindagi mein vo mukam haasil karunga kit um mere upar fakr karo. Fir chahe mujhe uska pyar mile ya na mile.

………..

Aaj fir Valentine day hai. Mera dost ek IAS officer ba gaya hai aur aaj apne parents aur mere parents ke sath us ladki ke ghar jar aha hai uska hath mangne :

Kya kahte hain, friends? Vo ladki uska pyar kabool karegi? Aakhir uske pyar ne ho to us dost ko is kamyabi ki manjil tak pahunchaya hai!

Read More Shayari – Click Here

Love Status in Hindi and English Whatsapp and Facebook

 

Leave a Reply

Your email address will not be published. Required fields are marked *